Ambasadorja francize në Tiranë ka komentuar nga Pogradeci ngërçin politik që është krijuar në Shqipëri lidhur me listat e hapura, koalicionet parazgjdhore dhe ndryshimet kushtetuese.
Christine Vasac është shprehur se kjo është një çështje e brendshme që ju takon shqiptarëve ta zgjidhin mes njëri-tjetrit.
“Ka një projekt të rieditimit të të gjithë Kushtetutës shqiptare. Kryeministri është shprehur në mënyrë publike dhe në Parlament në lidhje me këtë. Ka edhe një qëndrim të Presidentit të vendit, i cili na mblodhi ne të gjithë ambasadorëve të BE dhe të Mbretërisë së Bashkuar dje. Iu përket shqiptareve dhe vetëm atyre që ta trajtojnë këtë çështje.
Ka një kalendar i cili është vendosur dhe në qoftë se do të respektohet ose jo kalendari këtë do ta tregojë koha. Por do të duhet një bashkëpunim i pozitës dhe opozitës në mënyrë që ne të marrim një rezultat.” -u shpreh Vasac.
Pyetjes nëse listat e hapura dhe aleancat paszgjedhore janë modeli i duhur për Shqipërinë, ambasadorja iu përgjigj: “Mos prisni një përgjigje prej meje mbi themelin e organizimit, sepse është kjo është një çështje shqiptare”.
Sa i përket qëndrimit të BE, nëse nuk ka një reformë të plotë në sistemin e drejtësisë dhe sistemin zgjedhor, ambasadorja tha se ashtu si ju e dini në 25 mars janë hapur negociatat për Shqipërinë dhe Maqedoninë e Veriut, duhet të fokusohemi tek konkluzionet dhe kjo nuk është diçka e re.
“Qëllimi kryesor është që të konkretizohet situata, në mënyrë që të kemi konferencën e parë ndërqeveritare. Është gabim të themi pa pushim që po shtohen kushtet për Shqipërinë. Unë ju sugjeroj që të lexoni konkluzionet e 25 marsit dhe konkluzionet e mëparshme.
Interesi i Shqipërisë është që të mbahet sa më parë konferenca ndërqeveritare dhe për këtë është duke punuar ambasadori Zef Mazi i emëruar nga kryeministri.” U shpreh ajo. /Ra.My. Fjala.al/
