Një ngjarje e rëndë është regjistruar këtë të shtunë në Berivojcë të Kamenicës, Kosovë. Autoritetet policore vendase raportojnë se një grua rreth 34 vjeçe është vrarë nga bashkëshorti i saj, rreth 42-vjeç.
Autori është arrestuar menjëherë pas krimit makabër, ndërkohë që uniformat blu po punojnë për zbardhjen e plotë të rrethanave të ngjarjes.
“Sot, më 25.07.2020, rreth orës 13:20, policia është njoftuar për një vrasje në fshatin Berivojcë të Kamenicës. Dyshohet se një mashkull (rreth 42 vjeçar), ka vrarë gruan e tij (rreth 34 vjeçare). Njësitet policore i janë përgjigjur vend-ngjarjes, është arrestuar i dyshuari, është njoftuar prokurori dhe po vazhdon kompletimi i rastit nga hetuesit policorë”, njofton policia e Kosovës.
/En.Br./Fjala.al
