Instituti Kombëtar i Shëndetësisë Publike në një deklaratë për mediat ka bërë me dije se gjatë 24 orëve të fundit në Kosovë janë shënuar 237 raste të reja me Covid-19. Ndërkohë numri i rasteve aktive me koronavirus ka shkuar në 2995.
Numri i përgjithshëm i rasteve pozitive me Covid-19 në Kosovë ka shkuar në 6917, që nga 13 marsi kur u konfirmua rasti i parë.Deri më tani numri i viktimave nga Covid-19 ka shkuar në 169.
Situata në spitalet e Kosovës paraqitet e rënduar, ndërsa kryeministri Hoti u shpreh se nga 700 shtretër në QKUK, vetëm 130 kanë mbetur në dispozicion për të infektuarit me Covid-19. Gjithashtu ai u bëri thirrje qytetarëve që të respektojnë masat si dhe të mbajnë maskat pasi është e vetmja mënyrë për të luftuar koronavirusin./Re.Gu/Fjala.al
