Biologu i njohur, Dr. Ethem Ruka përmes një postimi në rrjetet sociale ka dhënë detaje lidhur me fazën ku ndodhet përgatitja e vaksinës anti-Covid-19.
Sipas tij, nga 25 kandidat vaksinat që ka deklaruar OBSH, katër prej tyre janë në një fazë më të avancuar.
Sipas tij, rezultatet e deritanishme duken inkurajuese dhe se provat kanë treguar se nuk ka efekte anësore.
Reagimi i plotë:
KU JEMI ME KANDIDAT-VAKSINAT ANTICOVID?
Shpejtesia me te cilen po punohet per prodhimin e vaksines anticovid nuk eshte pare ndonjehere me pare. Me 25 korrik OBSH deklaroi se jane 25 kanditat vaksina ne procesin e provave klinike te njeriu.
Vetem kater prej tyre jane ne nje faze me ta avancuar ose sic quhet faza 3, ndersa kandidat vaksinat e tjera jene ne fazen 1 ose 2.
Kompania amerikane Moderna, kete te hene, filloi provat e fazes se trete te 30 000 vullnetare.
Po ashtu dy kandidat vaksina kineze kane filluar me fazen e trete qysh me15 korrik.
Projekti i katert eshte ai i kandidat vaksines europiane. Ky projekt eshte vene ne levizje nga Universiteti i Oksfordit ne bashkepunim me kompanine farmaceutike AstraZeneka dhe po provohet ne Mbreterine e Bashkuar, Brazil dhe Afriken e Jugut.
139 projekte te tjera jane ne proces, por per momentin jane me me vonese.
Teknologjite e perdorura jane te ndryshme. Disa perdorin virusin e “vrare” ose te caktivizuar. Kjo teknologji eshte perdorur nga dy kompani kineze. Nje teknologji tjeter perdor proteinen e virusit qe provokon sistemin imunitar per prodhimin e antitrupave. Kompania amerikane Moderna po perdor teknologjine me inovative, te pa provuar ndonjehere deri me sot. Ajo shfrytezon ARN qe mbart informacionin per proteinen e coronavirusit. Kjo ARN do te deshifrohej ne qelizat humane, te cilt do te prodhonin proteinen e coronavirusit qe provokon sistemin imunitar per prodhimin e antitrupave anticovid.
Rezultatet e deritanishme duken inkurajuese. Kandidat vaksinat nxitin prodhimin e antitrupave dhe limfociteve T.
Keto prova kane treguar se nuk ka efekte anesore. Megjithate ne raste te vecanta jane vene re disa efekte si dhimbje koke, lodhje etj, por qe nuk konsidetohen te rrezikshme. Megjithate eshte ende heret per te arritur ne perfundime te sakta.
/En.Br./Fjala.al
