Pas një aksioni blic të forcave “Shqiponja” sot në Peqin është vënë në pranga 35-vjeçari F. Manehasa, i cilësuar si person me rrezikshmëri të lartë.
Burime bëjnë me dije se ai është pronar i një pike që tregton automjete dhe i ka bërë rezistencë uniforma blu, por nuk ka zgjatur shumë dhe është vënë në pranga.
Ende nuk ka një reagim zyrtar lidhur me arrestimin e tij, por burime pranë policisë bëjnë me dije se ai ka lidhje me ngjarjen e pak ditëve më parë në Elbasan ku mbeti viktimë Emiljano Ramazani, 39-vjeç.
Mësohet se në automjetin e 35-vjeçarit F. Manehasa është gjetur dhe një armë zjarri dhe pas ekzaminimit nga ekspertët hetimorë do të mund të shihet nëse është përdorur në ndonjë nga ngjarjet e fundit kriminale.
Burime bëjnë me dije se disa drejtues nga Policia e Shtetit janë nisur me urgjencë drejt Peqinit dhe Elbasanit.
/En.Br./Fjala.al
