Gjykata Penale e Tiranës ka dhënë vendimin për ish-futbollistin e Kombëtares Klodian Duro. Duro është dënuar me 6 muaj heqje lirie, pasi ka përndjekur dhe dhunuar ish-bashkëshorten e tij.
Ai akuzohet për tre vepra të rëndë penale si “Dhunë në familje”, “Përndjekje” dhe “Veprime në kundërshtim me vendimet e gjykatës”.
Ndërsa ka pranuar gjykim të shkurtuar, dënimi për ish-lojtarin është ulur me 4 muaj burgim. Por pritet që trajneri ta apelojë dënimin e kësaj gjykate dhe ky vendim mbetet pezull deri në vendimin final të Gjykatës së Apelit, kjo nënkupton se ai do të vijojë të qëndrojë në arrest shtëpie.
Rikujtojmë që ai arrestua më 27 mars pas një denoncimi të ish-bashkëshortes së tij për dhunë dhe përndjekje.
Gjykata vendosi shqyrtimin e çështjes, ndërkohë që Duro qëndronte nën masën “Arrest Shtëpie”. Ish-lojtari do të vazhdojë të qëndrojë në banesë dhe vetëm në rast se Apeli lë në fuqi vendimin të Gjykatës Penale, Duro do të vuajë dënimin e katër muajve burgim.ka.ta/Fjala.al/
