Tom Hanks dhe Rita Wilson zyrtarisht mund të thuhet se janë grekë. Sipas kryeministrit grek, Kyriakos Mitsotakis aktori amerikan, 64 vjeç dhe gruaja e tij, 63 vjeç, kanë marrë nënshtetësi dhe tashmë kanë dokumentacionin e tyre përkatës .
“@Ritawilson @tomhanks janë tani krenarë qytetarë Grekë!”, Shkruajti kryeministri së bashku me një fotografi të tij, bashkëshorten e tij Mareva Grabowski-Mitsotaki, dhe Tom Hanks me Rita Wilson, të cilat mbajnë në dorë pasaportat e tyre të reja.
Çifti dhe fëmijët e tyre u bënë qytetarë të nderuar grek në vitin 2019, pasi drejtuesit më të lartë të vendit nxorën në pah rolin e protagonistit të Forrest Gump në projektin e ndërgjegjësimit për zjarret shkatërruese që ndodhën në 2018, të cilat shkatërruan zonat e gjelbërta në afërsi të kryeqytetit, Athinës.
Sipas ministrit grek të Brendshëm Takis Theodorikakos në atë kohë, aktori është një person që ka treguar një lidhje dhe angazhim të shkëlqyeshëm personal për mirëqenien e Greqisë në periudha shumë të vështira për vendin. “Tom Hanks është një person që shfaq interes të vërtetë për njerëzit që e pësuan nga zjarrin dhe e promovuan këtë çështje në median botërore,” i tha ai CNN në një deklaratë dhjetorin e kaluar.
Përveç veprimeve të aktorit, një konvertim ortodoks grek, një tjetër faktor që mund të ketë hyrë në marrjen e dokumentacionit të tij është fakti se gruaja e tij, njëherësh aktore amerikane, ka prejardhje greke nga nëna e saj, Dorothea, dhe se çifti ka një pronë në ishullin Antiparos , ku së fundmi ata ishin për të festuar ditëlindjen e tij të 64-të.
Gjithashtu katër fëmijët e çiftit – Colin, Chet, Truman dhe Elizabeth Hanks – kanë tashmë një pasaportë Greke.
/En.Br./Fjala.al
