Është zbuluar identiteti i 71-vjeçarit që u ekzekutua pasditen e sotme në Fushë-Prezë, në kryqëzim me rrugën e Rinasit.
Viktima mësohet se është shtetasi Abdulla Budlla, i cili punonte taksist dhe është gjetur i vrarë jashtë automjetit të tij.
Duke iu referuar detajit të trupit të pajetë të gjetur jashtë makinës së tij, ngrihen dyshime se diçka e ka bërë atë të dalë nga mjeti, një pritë, një telefonatë apo diçka tjetër.
Burime bëjnë me dije se ai është qëlluar nga një makinë në lëvizje, nga një distancë rreth 3-4 metra.
Abdulla Budlla punonte prej vitesh taksist pa licencë në fshatin e tij, Hametaq, disa kilometra larg krimit, dhe njihej nga të gjithë, por nuk rezulton të ketë pasur probleme./En.Br./Fjala.al
