Detaje të reja dalin në dritë nga ngjarja horror e shënuar pasditen e së enjtes në fshatin Buçimas të Pogradecit, ku djali, Olsi Çekiçi masakroi dhe i preu kokën nënës së tij 70-vjeçare.
Firdes Çekiçi është viktima e krimit makabër, gruaja që shihni në foto.
Krimi tronditës ndodhi pasditen e djeshme, e enjte, teksa e moshuara ndërhyri për të mbrojtur mbesën.
44-vjeçari Olsi Çekiçi vrau me thikë dhe më pas i preu kokën me drapër të ëmës Firdes Çekiçi, duke e varur në portën e shtëpisë.
Ka qenë pikërisht e mitura ajo që ka njoftuar policinë, kur ka parë të atin që po qëllonte gjyshen, pasi u largua me shpejtësi me biçikletë nga shtëpia, prej frikës.
Në dëshminë e dhënë nga e mitura, i ati para krimit mësohet ti ketë thënë gjyshes “Boll jetove”.
Olsi Çekiçi vuan nga probleme të shëndetit mendor dhe ka qenë i dënuar në Itali për drogë dhe vjedhje./Bl.Ba/Fjala.al
