Bashkia e Pukës ka vendosur të mbyllë kopshtin dhe çerdhen në këtë qytet pas shtimit të të infektuarve me COVID-19.
Në një postim në rrjetet sociale bashkia e bën me dije se është mbyllur çerdhja “Nënë Tereza dhe kopshti “Erjola Lluka”.
Në postim theksohet se mbyllja bëhet për shkak të dezinfektimeve që do bëhen në këto institucione, ndërsa rihapja do të bëhet pas një njoftimi të dytë.
Postimi i plotë:
Për shkak të rikthimit të rasteve me Covid në territorin e bashkisë Pukë, pas rekomandimeve të ekspertëve të shëndetësisë në Njësinë Vendore të Kujdesit Shëndetësor Pukë, kemi vendosur sot mbylljen e institucioneve të arsimit parashkollor, çerdhes “Nënë Tereza” dhe kopështit “Erjola Lluka” në qytetin e Pukës.
Mbyllja bëhet për shkak të dezinfektimeve që do bëhen në këto institucione, ndërsa rihapja e këtyre institucioneve do të bëhet pas një njoftimi të dytë.
/En.Br./Fjala.al
