Një 19-vjeçar është vënë në pranga nga policia e Vlorës, pasi ka qëlluar me armë zjarri pranë parkimit të një hoteli të vendosur në shëtitoren Lungomare.
Pas hekurave ka përfunduar shtetasi Daniel Zotaj. Ky shtetas dyshohet se ka qëlluar me armë, pas konfliktit me administratorin e hotelit.
Fatmirësisht nga e shtëna nuk ka pasur persona të plagosur.
“Kapja dhe arrestimi i D. Z. 19 vjeç u bë pasi gjatë orëve të natës, në ambientet e jashtme të një hoteli në lagjen “Ujë i Ftohtë” Vlorë, dyshohet se ka qëlluar me armë zjarri pistoletë në ajër duke kanosur kështu shtetasin T. D, për motive të dobëta.” thuhet në njoftimin e policisë.
Mbi 19-vjeçarin rëndojnë akuzat për veprat penale “Armëmbajtja pa leje” dhe “Kanosja”. Materialet iu referuan Prokurorisë për veprime të mëtejshme
I riu i identifikuar njihet si person i përshirë edhe herë të tjera në konflikte dhe ka precedentë penale, ku është dënuar më parë për vjedhje me dhunë, për inskenim të një rrëmbimi dhe për dhunimin e dy shtetasve.
/En.Br./Fjala.al
