Gjykata Federale ka lënë në fuqi vendimin e KAS-it për Skënderbeu. Kështu bardhekuqtë do të vuajnë të plotë dënimin e dhënë nga UEFA me 10 vite përjashtim nga kompeticionet evropiane lidhur me akuzat për trukime ndeshjesh.
Vendimi është bërë publik nga vetë klubi i Skënderbeut nëpërmjet një postimi në faqen zyrtare. Mësohet se trupa gjykuese përbëhej nga 5 antarë, 3 prej të cilën votuan pro dhe 2 kundra, duke rrëzuar rekordin e klubit korçar.
Skënderbeu bën me dije se po shqyrton të gjitha mundësitë për një ankim të mëtejshëm në Gjykatën Europiane për të Drejtat e Njeriut.
NJOFTIMI I KLUBIT:
Sot, më datë 12 Gusht 2020, KF Skënderbeu-t ju bë me dije Vendimi i Gjykatës Federale Zvicerane në lidhje me rekursin e kryer ndaj Vendimit të CAS-it datë 12 Korrik 2019.
Pavarësisht argumenteve të pakundërshtueshme të paraqitura në proçes, trupa gjykuese e përbërë nga 5 anëtarë, përmes një vendimarrje me shumicë të thjeshtë votash, 3 vota pro dhe 2 kundra, vendosi rrëzimin e rekursit të kryer nga KF Skënderbeu, duke konfirmuar vendimin e mëparshëm të CAS-it.
Në momentin aktual, KF Skënderbeu po shqyrton të gjitha mundësitë për një ankim të mëtejshëm në Gjykatën Europiane për të Drejtat e Njeriut, pasi në asnjë mënyrë nuk mund të konformizohet me një vendim i cili, në çmimin tonë, cënon rëndë parimet e të drejtës për një proçes të rregullt ligjor. Për këtë, informacione të mëtejshme në lidhje me përmbajtjen e vendimit në fjale do të bëhen publike, pasi të jenë kryer të gjitha vlerësimet e rastit.
Pavarësisht efekteve tejet të rënda që ky vendim ka, KF Skënderbeu do të vezhdojë rrugën e tij drejt arritjes sërish të sukseseve historike të mëparshme, të cilat ende sot shërbejnë si model e frymëzim për futbollin Shqipëtar. Puna vazhdon!
/En.Br./Fjala.al
https://www.facebook.com/kfskenderbeu.al/posts/3182662105104822?__xts__%5B0%5D=68.ARCI-LsUhRx2u4x-_QAtIudSjSSJQYA1xK8gaYoZDfOnwGmXQOuWVfg2iw-3wbdPA-uTRuk3d1fbAFLiixm3UOiHPSEr4a4HoFhuVb-zsZsVKRIfyEuXnXRAA-HYG0UrbOIbCZmktKJ6KZSs0w6ySDKhj3mU9hv7SdEdOK0sieSLaRtnb7Y2AaciUsEcO8uxxurjLC5QsITgYefjbfggvJIgDoYob5ER5CcTj0zVSA4Ocy1nfj1TyLfrIpSQBhkmbgjcin-CrCUC8A7RI4odNQ44BjmSb78CyXvtTpY3y6CWD7qAMPt_Aw0NhrfyNj8i-szunvx3EBmVMvKjg7u3DA&__tn__=-R
