Tensionet në Mesdheun lindor janë rritur ndjeshëm këtë javë pasi Turqia dërgoi një anije në detin Mesdhe, në kufi me Greqinë, për të eksploruar naftë dhe gaz. Por, një veprim i tillë u cilësua si provokim nga autoritetet greke.
Si përgjigje, Presidenti Emmanuel Macron tha se Franca do të rrisë praninë e saj ushtarake në rajon dhe i bëri thirrje Ankarasë të ndalojë punën e saj eksploruese. Forcat Franceze dhe Greke mbajtën stërvitje ushtarake jashtë Kretës në ditën e enjte.
Lidhur me këtë përkrahje të Francës ndaj Greqisë ka reaguar dhe historiani Arben Llalla.
Në një postim në rrjetet sociale ai shkruan se helenët njësoj si në vitin 1827 kërkojnë ndihmë te Franca e cila bashkë me Perandorinë ruse dhe Britaninë e Madhe e themeluan Greqinë duke e zgjeruar si territor në kurriz të shqiptarëve.
“Grekët ashtu si më 1827 edhe sot kërkojnë ndihmë tek Franca e cila bashkë me Perandorinë ruse dhe Britaninë e Madhe e themeluan Greqinë duke e zgjeruar si territor në kurrizë të shqiptarëve e duke tkurrur territoret e Shqipërisë.” shkruan Arben Llalla.
/En.Br./Fjala.al