Ministrja e Mbrojtjes, Olta Xhaçka, u ka bërë thirrje qytetarëve nga Kakavija që të rikthehen në banesat e tyre dhe të mos torturohen.
Ministrja deklaroi se i vjen shumë keq që shumë nëna, fëmijë dhe pleq janë ekspozuar te kjo torturë, por sipas saj ishte vullneti i tyre për të lëvizur në një kohë të pazakontë.
“Jemi në bisedime me palën tjetër që të shtojë ritmin dhe të kalojnë sa më shumë persona që të jetë e mundur. Por në momentin kur të mbyllet kufiri, duhet të kthehen nëpër banesa, të kenë një çati në kokë, e të mos rrinë në këtë zheg. Më vjen shumë keq që shumë nëna, fëmijë dhe pleq, janë ekspozuar te kjo torturë gjatë këtyre ditëve, por ishte vullneti i tyre. Kanë lëvizur në një kohë të pazakontë, në një kohë kur nuk mund të sillemi si normalisht. Shteti fqinj mund të kishte vendosur ta mbyllte fare kufirin, çfarë mund të kishim bërë? Kjo kategori udhëtarësh kanë pasur mundësi të lëvizin, por janë të detyruar t’i nënshtrohen masave dhe kufizimeve, që nuk janë tonat”, tha ministrja./En.Br./Fjala.al
