Ndërkohë që situata e virusit COVID-19 vazhdon të jetë shqetësuese, shqiptarët vazhdojnë ende të organizojnë ceremoni festive me grumbullime masive njerëzish, të cilat kthehen në vatra infeksionesh.
Së fundmi, policia e Korçë ka ndëshkuar me 1 milion lekë gjobë pronarët e 4 lokaleve, pasi janë konstatuar duke ushtruar aktivitet në kundërshtim me Aktin Normativ.
Në Korçë, janë konstatuar konkretisht:
– Subjekti lokal në lagjen nr. 1, në pronësi të shtetasit R. K;
– Subjekti restorant përgjatë rrugës nacionale Korçë-Bilisht (km 6) në pronësi të shtetasit R. T;
– Subjekti restorant në rrugën nacionale Korçë-Bilisht (km 5) në pronësi të shtetasve S. F., dhe F. F;
Në Pogradec, u konstatua
-Subjekti në lagjen nr. 2, në pronësi të shtetasit G. K., të katërta duke zhvilluar ceremoni festive në kundërshtim me Aktin Normativ duke mos respektuar protokollet e sigurisë.
Policia apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
/En.Br./Fjala.al
