Një tragjedi me protagonist një shtetas shqiptar është shmangur nga policia italiane.
Shqiptari tentoi të vetëvritej duke u hedhur nga dritarja e e katit të dytë të banesës së tij, por fatmirësisht nuk e kreu aktin e rëndë.
Mediat italiane raportojnë se kanë qenë karabinierët ata që me anë të bisedave në telefon kanë mundur ta qetësojnë shqiptarin dhe më pas ai të heqë dorë nga tentativa e vetëvrasjes.
Ngjarja ka ndodhur në Pedagna të Italisë, ku dyshohet se shqiptari ka qenë në gjendje të rënduar psikologjike. Pas shpëtimit, ai është marrë nën kujdes nga mjekët, të cilët e kanë shtruar në spital, për kontrolle të tjera./En.Br./Fjala.al
