Sytë nga Dyseldorfi, Liga e Evropës njeh sonte finalisten e dytë

113 563 lexime

124,178FansaPëlqeje

Interi dhe Shahtjori i Donjeckut përballen për biletën e fundit të finales së madhe. Interi dhe Shahtjori i Donjeckut përballen me njëra-tjetrën sonte në Dyseldorf për një vend në finalen e Ligës së Evropës, aty ku i pret Sevilja.

Me mëse gjysmën e përballjeve në Evropë këtë sezon që kanë qenë me kundërshtarë spanjollë apo gjermanë, Interi sigurisht që nuk e ka patur të lehtë në veprimtaritë kontinentale të futbollit të klubeve.

Sidoqoftë, pasi u eliminua përballë Barcelonës dhe Borusias së Dortmundit në Ligën e Kampioneve, skuadra e Antonio Kontes ka reaguar, duke korrur fitore ndaj skuadrave si Hetafe apo Bayer Leverkusen në Ligën e Evropës.

Dhe, pas një zgjimi të vonuar, duke siguruar titullin simbolik të nënkampiones së Serisë A, vetë Konte është vetëm dy fitore larg kurorëzimit me sukses të sezonit të tij të parë në krye të stolit të zikaltërve, në atë që ka qenë një periudhë tranzicioni për klubin.

Ndërkohë që Interi ka përfituar padyshim nga 31 golat e Romelu Lukakut, Konte e ka të qartë se nuk mund ta nënvlerësojë Shahtjorin e Donjeckut, një skuadër që e ka shijuar statusin e të nënvlerësuarve. Luis Kastro ka vetëm 14 muaj që e drejton këtë grup lojtarësh, por trajneri portugez e ka udhëhequr Shahtjorin e Donjeckut drejt suksesit më të madh kontinental që nga viti 2016.

Duke qenë se ishte i pafat në përpjekjet për të kaluar fazën e grupeve të Ligës së Kampioneve, gjigandja ukrainase ka vijuar të korrë fitore bindëse ndaj Benfikës, Volfsburgut dhe Bazelit. Ashtu si Lukaku tek Interi, edhe Shahtjori i Donjeckut ka një “xhevahir” si Zhunjor Moraesh, i cili ka spikatur me 6 gola të realizuar në Evropë gjatë këtij sezoni, edhe falë furnizimit rregullisht nga shumë prej lojtarëve me fantazi të skuadrës.

Lexo edhe :  FSHF i mbyll stadiumin Vlorës, ja çfarë ndëshkimi u mor për Tiranën pas fitores në derbi

Ndonëse një fitore eventuale në gjysmëfinale ndaj Interit dhe në finale Seviljes do të ishte një e papritur e këndshme, skuadra e mbiquajtur “Hirniki” e ka gjetur rrugën e rrjetës 7 herë në dy ndeshjet e fundit. Sikundër i gjithë ky sezon, edhe ndeshja e sotme do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 21:00.

La.Mi/Fjala.al

Të fundit

FOTOLAJM/ Ngrihet në KQZ zyra e posaçme që do të hetojë krimet zgjedhore

Një zyrë e posacme është ngritur në komisionin qendror të zgjedhjeve, e cila do të hetojë krimet zgjedhore për...

“E kaloj oqeanin kur të dua…”/ Berisha i përgjigjet Ramës: Kazani po zien për ‘McGonigal’

Kryetari i PD, Sali Berisha i është përgjigjur një deklarate të sotme të kryeministrit Edi Rama, ku ky i fundit tha se mund të...

Kryemadhi para SPAK: Rrëmbimi i Metës dhe burgosja e tij u bë me urdhrin e një gruaje!

Urdhrin për arrestimin e Ilir Metës, kryetarit të Partisë së Lirisë, Monika Kryemadhi ia ka atribuuar ish-ambasadores amerikane në Shqipëri, Yuri Kim. Nga SPAK ajo...

Dy zakone të përditshme që po “shkatërrojnë” trurin dhe trupin tuaj

Një mjek nga Universiteti i Harvardit, Dr. Saurabh Sethi, ka lëshuar një paralajmërim urgjent në lidhje me dy zakone të përditshme që shumë prej...

Shfrytëzonin 10-vjeçarin për klikime në Tik Tok, burg për gjyshen e babain e të miturit

Gjykata e Shkallës së Parë në Berat, ka dhënë vendimin për një rast të rëndë abuzimi familjar që tronditi opinionin publik: shfrytëzimin e një...

Lajme të tjera

Web TV