Melania Trump duket se është mërzitur nga martesa me Donald Trump. Media ka publikuar videon e Melania dhe Donald Trump teksa zbresin nga avioni i Air Force One. Zonja e parë është filmuar teksa refuzon t’i mbajë dorën bashkëshortit të saj, Donald Trump.
Pamjet shfaqin Melania-n, 50 vjeç, duke u përpjekur të mbajë fustanin, ndërsa zbret shkallët e aeroplanit presidencial në taka të larta.
Më pas, ajo i largon krahun Donald Trump, 74 vjeç, i cili bën disa përpjekje për t’i kapur dorën. Kjo nuk është e vetmja herë që Melania refuzon t’i mbajë dorën bashkëshortit apo t’i qëndroj pranë.
Ekspertët e gjuhës së trupit thonë se “sinjalet” që jep nuk kanë qenë gjithnjë kështu, por marrëdhënia e saj me presidentin e Shteteve të Bashkuara ka ndryshuar, që prej hyrjes në Shtëpinë e Bardhë dhe kjo ka sjellë ndryshime dhe në gjuhën e saj të trupit, në daljet publike.
Ajo nuk duket dhe aq entuziaste pranë bashkëshortit të saj. Në videon e mëposhtme, ajo ndryshon tërësisht shprehinë e fytyrës kur Donald Trump kthen kokën dhe në shumë nga daljet e tyre publike, ajo refuzon përsëri t’i japë dorën:
Në shumë foto duket se Melania përpiqet të distancohet dhe Trump përpiqet ta mbajë sa më pranë, duke i shtrënguar dorën apo duke e kapur fort nga krahu, kur afrohet ta puthë.
Përveç mediave, një ndër figurat e njohura të botës, Rihanna ka reaguar ndaj kësaj situate. Këngëtarja me famë botërore ka zgjedhur ta quaj veprimin e Melanias një art, duke e postuar në rrjetin e saj social, Instagram./St.Su/Fjala.al
