Presidenti i Shqipërisë, Ilir Meta ka reaguar pas qëndrimit të Bashkimit Europian për të mos njohur zgjedhjet presidenciale në Bjellorusi, të fituara nga Aleksandër Lukashenko.
Përmes një postimi në rrjetet sociale ai shkruan se qytetarët bjellorusë që po mbajnë protesta prej shumë javësh tashmë kundër qeverisë meritojnë të japin verdiktin e tyre përmes zgjedhjeve të lira dhe të ndershme.
“Mbështes qëndrimin e Bashkimit Europian për të mos njohur zgjedhjet presidenciale në Bjellorusi. Qytetarët e Bjellorusisë, ashtu si në të gjitha vendet nën regjim autokratik, meritojnë sa më parë të shprehin verdiktin e tyre përmes zgjedhjeve të lira dhe të ndershme, që janë kolona vertebrore e çdo sistemi demokratik. ????”– shkruan presidenti Meta./Re.GU/Fjala.al
