Në orët e para të mëngjesit të së premtes, policia e Mykonos në Greqi, ka prangosur kapitenin e Manchester United, Harry Maguire.
Maguire ishte parë nga policia jashtë një bari, duke u përleshur me disa turistë të tjerë njoftojnë mediat greke.
Policia në moment ndërhyri për të shuar sherrin, duke prangosur edhe protagonistët e këtij incidenti. Mësohet se gjatë arrestimit, Meguire ka bërë rezistencë, duke u përleshur fizikisht me policët.
Në një deklaratë të Manchester United thuhet:“Klubi është i vetëdijshëm për një incident të dyshuar që kishte përfshirë Harry Maguire në Mykonos mbrëmë.
Kontakti me Harryn është bërë dhe ai është duke bashkëpunuar plotësisht me autoritetet greke. Në këtë kohë, ne nuk do të bëjmë asnjë koment më tepër”./Bl.Ba/Fjala.al
