Aventura e Lionel Messit me fanellën e Barcelonës po merr fund. Të gjitha mediat ndërkombëtare shkruajnë për largimin e tij nga Barça.
Messi fillon të luajë futboll në moshën 4 vjeç. I talentuar me teknikë të shkëlqyer që në moshë 11 vjeç ai u diagnostikua me një formë të hipopituitarizmit.
Barcelona do të interesohet për talentin e tij dhe do të paguajë për trajtime shëndetësore. Kontrata e parë zyrtare me fanellën e Barçës ishte në 1 Mars 2001, ai ishte 13 vjeç.
Debutimi i tij i parë në ekip erdhi nëvitin 2004. Ai ishte lojtari i tretë më i ri që veshi fanellën e Barçës.
Goli i parë erdhi më 1 maj 2005 kundër Albacete. Ai është vetëm 17 vjeç, 10 muaj dhe 7 ditë. Shpërthimi në karrierë erdhi dy vjet më vonë. Ai e përfundon sezonin 2006-07 me një hat-trick kundër Real Madrid dhe një gol që i afrohet Maradonës.
Por me ardhjen e Guardiolës Messi do të binte shumë në sy. Me trajnerin spanjoll ai do të fitojë 3 kampionate spanjolle, dy Champions League dhe 3 Topa të Artë.
Në vitet në vijim ai do të vazhdojë fitoren e tij duke fituar 5 Liga, një Ligë të Kampionëve dhe tre Ballon d’Ors.
Rekordet e tij në fanellën E Barçes janë të pabesueshme: 10 Liga, 4 Champions, 8 Superkupa Spanjolle, 6 Kupa Spanjolle, 3 Super Kupat Uefa dhe 3 Kupat e Botës për Klubet.
Ai tani ka hyrë në historinë e klubit spanjoll me 634 gola të shënuar në 731 ndeshje, 115 prej të cilave shënuan në Ligën e Kampionëve.
La.Mi/Fjala.al
