Gjykata e Posaçme e Apelit do të marrë nesër vendimin lidhur me sekuestron e pasurive të presidentit të “Yldon Media Group” Ylli Ndroqi mes tyre dhe 2 televizioneve RTV Ora dhe Ora News.
Gjykata kërkoi kohë të njihet me provat dhe vendimi është shtyrë të jepet nesër në orën 09:30 minuta.
Avokati, Alban Qafa deklaron se zoti Ndroqi kërkon shfuqizimin e vendimit të shpallur më 1 gusht nga Shkalla e Parë dhe heqjen e sekuestrove të 26 pasurive.
Mësohet se ankimimi u shoqërua me 6 fashikuj voluminozë për të cilat avokati thotë se vërtetojnë se pasuria e klientit të tij është e ligjshme.
“Kemi depozituar si kontratën e kreditimit nga banka si dhe suiftin, paratë siç kanë kaluar nga Raiffaisen kanë kaluar në llogarinë e shitëses së televizionit” deklaron avokati.
La.Mi/Fjala.al
