Ndërkohë që jemi vetëm disa muaj larg zgjedhjeve qendrore të 2021-shit, grupi parlamentar i Partisë Socialiste do të mblidhet të martën e 1 shtatorit për të marrë porositë për nisjen e fushatës elektorale.
Mësohet se mbledhja do të zhvillohet në orën 16:00 tek ambientet private “Rozafa – Fish City” në Elbasan.
Në fokus të diskutimeve mësohet se do të jetë thirrja e Asamblesë Kombëtare për zgjedhjen e kryesisë së re, marrja e porosive për nisjen e fushatës elektorale dhe gjithashtu socialistët do të informohen për ndryshimet e reja që do të ndërmerren për Kodin Zgjedhor me qëllim hapjen e listave.
/En.Br./Fjala.al
