Ngjarja e rëndë ka ndodhur në rreth orës 20:00. 65-vjeçari është hedhur nga dritarja e spitalit, ku ishte shtruar prej 2 ditësh, për shkak të gjendjes së rënduar shëndetësore. Ai ka rezultuar pozitiv me koronavirus rreth një javë më parë.
Personi i parë që u përball me ngjarjen e rëndë ishte roja e spitalit, i cili lajmëroj menjëherë mjekët e infermierët e Sanatoriumit, të cilët edhe pse u munduan ti jepnin ndihmën e parë të moshuarit, nuk mundën ta mbanin atë në jetë për shkak të dëmtimeve që ai kish marrë në kokë.
Përsa i përket kësaj ngjarjeje të rëndë, gazeta “Fjala”, i’u drejtua autoriteteve për të mësuar më shumë në lidhje me shkaqet që çuan të riun të ndërmarrë aktin ekstrem.
Nga informacionet e siguruara mësohet se 65-vjecari, ka qenë në gjendje të rëndë shëndetësore, por jo i intubuar. Pas marrjes së informacionit për ngjarjen e rëndë vetëflijimin, menjëherë në vendin e ngjarjes shkuan uniformat blu të komisariatit nr. 1, i cili ngriti një grup hetimor për zbardhjen e rrethanave dhe shkaqeve që çuan të moshuarit drejt këtij akti ekstrem.
Burime nga grupi hetimor bënë me dije për “Fjala.al”, se dyshohet pacienti me COVID e ka ndërmarrë këtë akt ekstrem, për shkak të gjendjes së tij të rënduar psikologjike.
Mësohet se se 65-vjecari ka ardhur me makine personale nga Klosi. Tek Shefqet Ndroqi ishte shtruar me rekomandim.
Burime nga spitali thonë se ishte shume i trembur për gjendjen e tij shëndetësore.
Viktima kishte kaluar në depresion. Tani në mbrëmje ishte nën mbikëqyrjen e specializantëve të mjekësisë. Skaneri i mushkërive ishte jashtë mase i ngarkuar.
Hetimet për zbardhjen e kësaj ngjarje janë ende në vijim.
La.Mi/Fala.al
