Trump: Njerëzit në Karolinën e Veriut duhet të votojnë dy herë

113 563 lexime

124,178FansaPëlqeje

Presidenti i Shteteve të Bashkuara të Amerikës, Donald Trump sugjeroi të mërkurën që njerëzit në shtetin e Karolinës së Veriut duhet të votojnë dy herë në zgjedhjet e nëntorit, një herë personalisht dhe një herë me postë, megjithëse aprovimi i tij është një krim.

“Le t’i dërgojnë brenda dhe le të votojnë”, tha Trump në një intervistë për WECT-TV në Wilmington në Karolinën e Veriut, kur u pyet për sigurinë e votave të postës.

“Nëse sistemi është aq i mirë sa thonë ata, atëherë padyshim që ata nuk do të jenë në gjendje të votojnë personalisht”.

Të votosh më shumë se një herë në zgjedhje është e paligjshme.

Prokurori i Përgjithshëm i Shtetit Josh Stein tha në një reagim. “Sigurohuni që të votoni, por nuk votoni dy herë! Unë do të bëj gjithçka që kam në dorë që të sigurohem që vullneti i njerëzve të mbrohet në nëntor”.

Prokurori i Përgjithshëm i SHBA William Barr, i tha CNN se Trump “po përpiqej të tregonte se aftësia për të monitoruar këtë sistem nuk është e mirë”. Ai tha se votimi dy herë është i paligjshëm, duke shtuar se: “Unë nuk e di se çfarë thotë ligji në një shtet të veçantë.”

Barr tha se fletëvotimet me postë për zgjedhjet e 3 nëntorit mund të prekeshin nga mashtrimet, duke përsëritur një deklaratë që Trump ka bërë për të denoncuar përdorimin e votimit me postë, shkruan Fjala.al.

Trump më parë ka thënë se metoda e votimit është e ndjeshme ndaj mashtrimit në shkallë të gjerë, megjithëse ekspertët thonë se mashtrimi i votuesve i çdo lloji është jashtëzakonisht i rrallë në Shtetet e Bashkuara.

Votimi me postë nuk është një proces i ri në Shtetet e Bashkuara – gati një në katër votues hodhën votat presidenciale në 2016 në këtë mënyrë.

Lexo edhe :  Nuk dilni bukur në foto? Ja 10+ gabimet që po bëni

Në zgjedhjet e muajit nëntor priten një rekord fletëvotimesh postare.

Karolina e Veriut është e shqetësuar për mënyrën e votimit për shkak të pandemisë.

Trump ka akuzuar demokratët se po përpiqen të vjedhin zgjedhjet duke nxitur përdorimin e votimit përmes postës./Er.Ke/Fjala.al/

Të fundit

Amerikanët para një ripërballje Biden-Trump

Amerikanët janë përballë një përsëritjeje të zgjedhjeve presidenciale të vitit 2020. Sondazhet tregojnë një mungesë përkrahjeje për të dy kandidatët,...

Vrau babanë në bashkëpunim me motrën dhe vëllanë, Hysen Meta pranon krimin

Hysen Meta 25 vjeç ka pranuar se ka qenë qenë ekzekutori i babait të tij Pëllumb Meta në Durrës, ndërsa është ndihmuar nga motra dhe...

Të mundësh Ramën me bedelët e Metës!

Nga Dritan Hila Të ndodhur në një krizë ideore dhe morale dhe me probleme të mëdhaja personalitetesh në partinë e tij, Ilir Meta ka dalë...

“Dëshmoi se ekziston”, gazetari analizon protestën e Rithemelimit: Mungon qeverisja..

Gazetari Mentor Kikia, i ftuar në një studio televizive, ka komentuar protestën e Rithemelimit për të cilën u shpreh se ne si shoqëri nuk...

“Krimi i mirëmenduar”, policia: Vrasja e babait ndodhi më 10 shkurt

Detaje të reja janë mësuar në lidhje me krimin e rëndë që u zbulua në Durrës, ku 50-vjeçari Pëllumb Meta u gjet i varrosur...

Lajme të tjera

Web TV