Një 40- vjeçar nga Tirana është arrestuar pasi u kap me 8 klandestinë në mjetin tip ”Mazda”.
Albert Ramaj u kishte premtuar klandestinëve kalimin për në BE kundrejt fitimit teksa u kap në lagjen nr.3 të Pogradecit.
Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, Sektorin e Policisë Rrugore dhe Komisariatin e Policisë Pogradec, në vijim të operacionit policor “Perimetri”, kanë goditur një tjetër rast të aktivitetit kriminal në fushën e dhënies ndihmë shtetasve të huaj, për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetasit: Albert Ramaj 40 vjeç, banues në Laprakë, Tiranë.
Shtetasi i mësipërm u kap në lagjen nr. 3, Pogradec, nga punonjësit e Policisë Rrugore, duke transportuar me mjetin tip “Mazda”, në drejtim të Tiranës, 8 emigrantë të paligjshëm, të cilëve kundrejt fitimit, iu kishte premtuar kalimin drejt vendeve të BE-së.
Materialet i kaluan Prokurorisë të Rrethit Gjyqësor Pogradec, për veprën penale “Ndihma për kalim të paligjshëm të kufijve”./Bl.Ba/Fjala.al
https://www.facebook.com/policiashtetitshqiptar/posts/2853528841600135
