Aksidenti i tmerrshëm i ndodhur pasditen e sotme në dalje të Tunelit të Elbasanit i mori jetën dy vajzave të reja.
Bëhet me dije se viktimat janë Lusinda Garunja dhe Xheneta Qallia nga qyteti i Shkodrës. Ndërsa dy vajzat e tjera të cilat aktualisht ndodhen në gjendje kritike për jetën janë Denisa Dibra dhe Nervida Garunja.
Bëhet me dije se automjeti i tipit ‘Vokswagen’ drejtohej nga 26-vjeçarja Denisa Dibra në momentin që është përplasur nga mbrapa nga automjeti i tipit ‘Benz’, i drejtuar nga 58-vjeçari Behar Pema.
Aktualisht uniformat blu kanë njoftuar se 58-vjeçari është arrestuar pasi dyshohet se ishte duke ecur me shpejtësi skëterrë dhe drejtonte mjetin në gjendje të dehur kur ka përplasur automjetin që udhëtonin 4 vajza./Re.Gu/Fjala.al
