Zyrtari i lartë i qeverisë japoneze, Yoshihide Suga, është zgjedhur për të zëvendësuar Kryeministrin në largim Shinzo Abe. Duke udhëhequr Japoninë që nga viti 2012, Abe po tërhiqet për arsye shëndetësore.
Sipas Japan Times, udhëheqësi i ri i Partisë Liberal Demokratike në pushtet pritet të bëhet Kryeministri i ri sepse partia mban një shumicë të konsiderueshme në dhomën e ulët të parlamentit.
Suga, 71, ka shërbyer si sekretari kryesor i kabinetit që nga 2012. Në këtë pozicion, midis të tjerash ai punoi si zëdhënësi më i lartë i qeverisë së vendit. Ai u përshkrua nga media japoneze si aleati i vjetër i Abe dhe “krahu i djathtë besnik”.
Abe ka qenë udhëheqësi i Japonisë për tetë vjet dhe është kryeministri më i gjatë që ka shërbyer në vend. Ai njoftoi në datën 28 gusht planet e tij për të dhënë dorëheqjen për shkak të problemeve shëndetësore./Er.Ke/Fjala.al/
