Komisioni i Ligjeve në Kuvendin e Shqipërisë do të diskutojë ngritjen e dy grupeve të punës për ndryshimin e ligjit për kompetencat e Presidentit të Republikës dhe diskutimin e ndryshimeve në kodin zgjedhor.
Sipas projektvendimeve të publikuara, në grupin e punës që ngrihet me rekomandim të komisionit hetimor për Presidentin e Republikës do të bëjnë pjesë Vasilika Hysi, Adnor Shameti dhe Alban Zeneli ndërsa në grupin e punës për ndryshimet në kodin zgjedhor, do të bëjnë pjesë Damian Gjiknuri, Klotilda Bushka dhe Korab Lita.
Drafti përfundimtar i projektligjit për Presidentin duhet të paraqitet në Kuvend brenda këtij muaji.
La.Mi/Fjala.al
