Operacioni ndërkombëtar “Los Blancos”, për të shpërbërë bandën shqiptare që importonte kokainë nga Amerika Latine në Evropë, ka sjellë arrestimin e rreth 20 personave nga vende të ndryshme të botës.
Ishin mediat greke ato nqë zbuluan se dy prej personave të kërkuar dyshohej se ishin vendosur në Atikë të Greqisë. Një urdhër arresti ishte lëshuar ndaj njërit prej tyre pasi ai dyshohet se koordinonte trafikun e drogës për llogari të grupit kriminal.
Hetimi, i koduar “Los Blancos”, filloi nga autoritetet italiane në maj 2015 dhe që atëherë është zgjeruar në Gjermani, Spanjë, Hungari, Greqi, Hollandë, Mbretëri të Bashkuar, Rumani, Shqipëri, Mbretëri të Bashkuar dhe Emiratet Arabe.
Gjatë hetimit pesë-vjeçar, 84 anëtarë të tjerë të organizatës u arrestuan dhe u sekuestruan më shumë se 3.8 ton kokainë dhe më shumë se 5.5 milion euro.
Të dy shqiptarët e arrestuar në 15 shtator në Atikë u dërguan në Prokurorinë kompetente.
Pa.Va/Fjala.al
