Dy vite më parë teksa fluturonte mbi Roskovec, pelikani Xhoni Malko ra në ambjentet e një banese dhe ai menjëherë fitoi zemrat e banorëve me bukurinë e tij. Për të u interesuan të gjthë përfaqësuesit e parkut kombëtar të Divjakës dhe specialistët e tij kontaktuan menjëherë me familjen në të cilën u gjend pelikani. Për shkak të kushteve jo të duhura duket se dhe gjëndja e tij nuk ishte e mire, ku njërin krah e kishte të dëmtuar. Specialistët që kujdesën për të e pagëzuan me emrin Xhon Malko në respekt të punonjësit që u morë me të në fillim, Shkëlqim Malko.
Tani ai është zhvendosur në mjediset e godinës së Drejtorisë së parkut midis pishave dhe ajrit të pastër të Karavastasë. Por që nga koha e fundit kur u strehua ai tashmë duket për bukuri dhe totalish i kuruar si nga gjendja fizike ashtu edhe nga ajo shëndetësore. Drejtori i Parkut të karavastasë Ardian Koçi, ka publikuar një video në rrjetin social Facebook ku shfaqet Pelikani që ka fituar simpatinë e gjithë zonës. Mesa duket Xhoni Malko ndihet shumë mirë në Karavasta dhe ai është miqësuar edhe me njerëzit duke mos e patur aspak problem prezencën e tyre.
Pa.Va/Fjala.al
