Një fasoneri është mbyllur në qytetin e Pogradecit, pasi disa punonjëse kanë rezultuar me COVID-19.
“Fjala.al” mëson se nga fasoneria janë testuar pozitive tre punonjëse, por mbyllja e saj është bërë për të mos lejuar përhapjen e virusit.
Gjithashtu janë infektuar edhe dy infermiere të cilat punojnë në qendrat shëndetësore në fshatrat e Pogradecit, si dhe një nxënës në një nga shkollat e qytetit.
Mësohet se fasoneria me 110 punonjës është mbyllur dhe dezinfektuar, ndërkohë që janë dezinfektuar edhe ambientet e qendrave shëndetësore.
Nxënësi i infektuar është kontakt i një prej punonjësve të fasonerive dhe ai nuk është paraqitur asnjë ditë në shkollë.
Infermieret dhe punonjëset e fasonerisë janë gra të moshave 30-50 vjeç./Bl.Ba/Fjala.al
