Arsimi shqiptar kaloi një fazë jo të lehtë nga muaji mars deri në fund të vitit mësimor që u mbyll në fund të korrikut. Por si rezultoi ky proces në kushtet në distancë ose on linë? Myqerem Tafaj ish-ministër i arsimit dhe pedagog në Universitetin Bujqësor në Kamzë tha se kjo ishte një dështim. Sipas tij, 50% e shkollave nuk kanë internet dhe kjo e ka përmbysur të gjithë këtë proces.
-Ne prapë jemi të papërgatitur për mësimin në distancë?
-Pse?
-Sepse nuk ka ndryshuar gjë që kur ka filluar pandemia. Nuk është bërë ndonjë progres lidhur me aksesin në internet. Që të jesh i përgatitur për mësimin në distancë, duhet të jesh i përgatitur në gjithë territorin e Shqipërisë. Sepse në çdo shkollë, mund të ndodhë që të krijohet një vatër dhe pastaj të mbyllet, kështu që mësimin do ta bësh në distancë. Pra ti duhet ta kesh në çdo kohë të përgatitur këtë skenar. Tani pandemia nxori në pah një tjetër gjë. Revolucioni që duhet të ndodhë në Shqipëri është ai në lidhje me arsimin digjital, që është i pa anashkalueshëm, sidomos për arsimin e lartë. Nëse duam të mbyllim një shkollë çfarë do bëhet? Hapni televizorin dhe ndiqni mësimin./Fjala.al/Ke.Ba
