Bashkia Pogradec me vendim këshilli bashkiak përjashton nga tarifat për hapësirat publike baret, pra të gjithë baret dhe restorantet që operojnë me tavolina jashtë nuk do të paguajnë taksa për periudhën Shtator-Tetor-Nëntor-Dhjetor 2020.
Burime për “Fjala.al” bëjnë me dije se të gjitha baret dhe restorantet që në hapësirë publike vendosin tavolina dhe karrige jashtë për 4 muajt në vijim filluar nga shtatori dhe deri në fund të dhjetorit s’do e paguajnë taksën.
Kjo vlen vetëm për territorin e Bashkisë Pogradec dhe synohet që pas sezonit veror t’u vijë në ndihmë bareve dhe lokaleve.
Kjo kërkesë ka ardhur për shkak se bizneset paguajnë taksat për pjesën e brendshme të lokalit e cila që prej rihapjes, nuk është më e shfrytëzueshme për shkak të protokollit të sigurisë në kuadër të masave anti-Covid.
Nisma lehtëson bizneset pas reduktimit të numrit të turistëve me përfundimin e sezonit veror. Ky vit solli mjaft vështirësi për këtë sektor për shkak të pandemisë së koronavirusit./Bl.Ba/Fjala.al
