Aktori i njohur, Erion Isai është bërë baba për herë të dytë. Ai ka zgjedhur emrin e veçantë për vajzën e dytë, E’dua.
“U bëmë 4. Faleminderit Zot. Erdhi tek ne vajza e dytë. Quhet: E’dua. Përulem para Zotit për bekimin më të madh që më ka dhënë. Nga sot, shërbëtor i tre princeshave”, shkruan Erioni krahas fotos ku duket dora e vogëlushes.
Ai dhe bashkëshortja duket se kanë zgjedhur mjaft emra të veçantë për vajzat, pasi edhe vajza e parë quhet Ajër.
Kujtojmë se Isai momentalisht është i angazhuar si Kryetar i Bashkisë Kolonjë dhe ka vendosur të shkëputet pak nga profesioni i tij si aktor humori./Re.Gu/Fjala.al
