Zbardhen detaje të reja nga ngjarja e cila tronditi Elbasanin dhe bëri një bujë të madhe mediatike, ku 71-vjeçari Lefter Zhidru u ekzekutua nga forcat RENEA.
Në një bisedë telefonike për ‘Fjala.al’ negociatori i operacionit, i cili ka qenë në kontakt të vazhdueshëm me Zhidrun shprehet se vendimi për ekzekutimin e tij është marrë në harkun kohor prej 1 minutë e gjysmë.
Forcat RENEA i janë afruar banesës së 71-vjeçarit në katin e dytë të pallatit ku ndodhi e gjithë ngjarja dhe i kanë dhënë sinjal Zhidrut se do të futen duke goditur derën e jashtme të banesës.
Menjëherë pas sinjalit të tyre, Lefter Zhidru ka qëlluar me breshëri drejt forcave të policisë që ndodheshin jashtë godinës, veprim i cili solli edhe vendimin për ekzekutimin e tij.
Pas tentativës së fundit të forcave RENEA për të ndaluar këtë ngjarje është marrë edhe vendimi për të neutralizuar 71-vjeçarin.
Pas ekzekutimit të tij forcat RENEA kanë gjetur në banesë 800 gramë tritol të lidhura me një detonator dhe në fund kishte një kapsolle, të bëra gati me qëllim shpërthimin e tyre.
Përveç tritolit të përgatitur në banesën e tij u gjet edhe një bomubul gazi e cila mund të përdorej si minë.
Lefter Zhidru kishte njohuri shumë mira në montimin e lëndëve plasëse dhe armëve luftarake pasi kishte punuar si specialist në uzinën e Mjekësit në Elbasan.
71-vjeçari i rezistoi të gjitha tentativave që u bënë për të shmangur ekzekutimin e tij pasi ishte njohës i mirë i të gjitha metodave të përdorura, pasi gazit lotsjellës i është përgjigjur me një peshqir të lagur të vendosur në fytyrë.
E gjithë ngjarja ka ndodhur në pallatin 5 katësh, ndërsa apartamenti i tij ndodhej në katin e dytë të godinës. /Ra.My.Fjala.al/
