Privatësia është një nga gjërat që diskutohet më së shumti në ditët e sotme, sidomos pas zhvillimit që ka marrë teknologjia së fundmi.
Shumë informacione, foto dhe video private qarkullojnë në telefonat e miqve tanë të dërguar po nga vetë ne dhe në raporte konfidenciale me ta, por që shumë raste këto foto ose video mund të jenë bërë virale.
Për këtë arsye whatsApp ka vendosur të punojë për “shtatërrimin” e këtyre të dhënave në telefonin e marrësit.
Normalisht do të duhej ta bënit manualisht, por tipari i ri do t’ju lejojë të caktoni një skadim automatik, si Snapchat.
Quhet “media në skadim” dhe do të “heq” imazhin pasi marrësi të ketë parë imazhin dhe të dalë nga biseda.
Kjo do t’ju ndihmojë të mbani private fotot dhe videot tuaja, në vend se ato të lundrojnë në WhatsApp për gjithë përjetësinë.
“Kur përdoruesi vendos të dërgojë një media që skadon – imazhe, video dhe GIF – media do të zhduket në telefonin e marrësit, sapo ai të largohet nga biseda.”
Ju do të jeni në gjendje të aktivizoni funksionin duke shtypur një buton të ri pranë kutisë së mesazheve.
Imazhi do të zhduket plotësisht, megjithëse marrësi do të paralajmërohet para se të largohet nga biseda.
WhatsApp tashmë thuhet se po punon për një tipar të ngjashëm të vetë-shkatërrimit edhe për tekstet. /Ra.My.Fjala.al/
