Duke filluar nga sot, 1 tetor fillojnë të funksionojnë dhe ambientet e brendshme të bareve, restoranteve dhe pishinave, por sigurisht sipas një protokolli të caktuar.
Koronavirusi, Covid-19 na ka ndryshuar mënyrën e jetesës duke vijuar me rutinën e përditshme, por sigurisht me disa rregulla të cilat duhen zbatuar në mënyrë që të shmanget përhapja e mëtejshme e virusit.
Vendimi u morë nga Komiteti Teknik i Ekspertëve të cilin e bëri të ditur ministrja e Shëndetësisë, Manastirliu më datën 27 shtator. Udhëzuesi për masat higjeno-sanitare përcakton të gjitha rregullat që duhet të ndiqen nga bizneset, por edhe nga individët që do të frekuentojnë këto ambiente.
Ndër këto masa janë:
-Nuk lejohet hyrja e personave që kanë një temperaturë më të lartë se 37.5.
-Subjektet duhet të afishojnë listën e simptomave të Covid-19 në ambientet e tyre.
-Subjektet duhet të përdorin higjenizues duarsh me mbi 60% alkool. Dezifektimi i duarve duhet të kryhet menjëherë pas ardhjes dhe largimit nga ambient, si nga stafi ashtu edhe nga klienti.
-Ventilim natyral i ambientin të paktën 5 herë në ditë.
-Subjekti duhet të dezifektojë të paktën 3 herë në ditë ambientin gjatë funksionimit si dhe pas mbylljes.
Më poshtë mund të lexoni udhëzuesin e plotë të publikuar nga ministria e Shëndetësisë dhe Mbrojtjes Sociale:
Re.Gu/Fjala.al
