Një ngjarje e rëndë raportohet nga Drenasi i Kosovës ku një e mitur është abuzuar seksualisht nga një burrë.
Sipas gazetës Ekspress mësohet se në dijeni të këtij krimi ka qënë edhe partnerja e burrit e cila kishte lidhje familjare me të miturën e dhunuar seksualisht.
Çifti mësohet të jenë në një lidhje dashurie prej disa kohësh, ndërkohë që ndodhen në paraburgim me urdhër të Prokurorisë.
“Lidhur me këtë rast, krejt çka mund të themi është se prokurori i Departamentit për të Mitur në Prishtinë ka ushtruar kërkesë për caktimin e masës së paraburgimit për dy personat e dyshuar”, tha zëdhënësja për informim e Prokurorisë Themelore në Prishtinë, Laureta Ulaj.
