Çmimin Nobel për mjekësi 2020, ja 3 shkencëtarët që e fituan

113 563 lexime

124,178FansaPëlqeje

Çmimin Nobel për mjekësi 2020 e fituan shkencëtarët Harvey J. Alter, Michael Houghton dhe Charles M. Rice.

Kryetari i Komitetit të Nobelit, Thomas Perlmann, në deklaratën e bërë në Stockholm tha se virologëve amerikanë Alter dhe Rice si dhe shkencëtari britanik Houghton u është dhënë Çmimi Nobel për Mjekësi “për zbulimin e virusit të hepatitit C”.

Falë zbulimit të shkencëtarëve sot gjenden teste shumë të ndjeshme të gjakut, të cilat kanë eliminuar rastet e hepatitit në shumë vende të botës pas transfuzionit të gjakut.

Theksohet se Çmimi Nobel për mjekësi këtë vit ka një rëndësi tjetër për shkak të pandemisë së koronavirusit të ri (COVID-19) që tregon se sa i rëndësishëm është hulumtimi mjekësor për shoqëritë dhe ekonomitë.

Sipas Organizatës Botërore të Shëndetësisë (OBSH) në botë janë mbi 70 milionë raste dhe çdo vit për këtë shkak humbin jetën 400 mijë njerëz.

Hepatiti është shkaku kryesor i inflamacionit të mëlçisë dhe kancerit.

Çmimin Nobel për mjekësi në vitin 2019 e fituan amerikanët William G. Kaelin dhe Gregg L. Semenza si dhe britaniku Peter J. Ratcliffe me punën e tyre në fushën e qelizave.

Çmimi Nobel për mjekësi

Nga viti 1901 e deri më tani janë dhënë 11 çmime në këtë fushë. Prej tyre 12 ishin gra.

Fituesi më i ri ishte 32-vjeçari Frederick G. Banting i cili në vitin 1923 e zbuloi insulinën.

Ndërsa Peyton Rous i cili në vitin 1966 zbuloi “viruset që shkaktojë tumor” në moshën 87-vjeçare u bë personi më i moshuar i cili e fitoi çmimin./AA

Të fundit

HOROSKOPI i ditës së shtunë, 10 maj 2025

Nga Paolo Fox Dashi Në dashuri, kini kujdes sepse tensionet mund të rikthehen në çift. Ruani qetësinë dhe përpiquni t’i përballoni problemet me qetësi. Në punë,...

Strategjia e rrezikshme e Izraelit në Siri

Destabilizimi i qeverisë së brishtë të Sirisë, nën pretekstin e mbrojtjes së sektit Druzë, nuk do të bëjë asgjë për të forcuar pozicionin tashmë...

“Dënimi im politik”/ Salianji: Do e mundja Ramën kudo

Ish-deputeti demokrat Ervin Salianji ka reaguar edhe njëherë në A2 për vendimin e gjykatës, duke e cilësuar atë si një dënim politik me qëllim...

Sa mandate do të sigurojë?/ Berisha: Unë s’parashikoj numra dhe përqindje! S’jam profet

Kryedemokrati Sali Berisha është i ftuar të premte në emisionin Top Story në Top Channel. I pyetur se sa mandate parashikon të sigurojë në zgjedhjet...

Lajme të tjera

Web TV