Avokati i Zani Çaushit, Arben Lena ka folur për mediat duke treguar se qëllimi nuk është lirimi i ish-kapobandës së Vlorës, por përllogaritje e saktë e dënimit.
Ai shprehet se pasi kanë bërë llogaritjet e tyre të viteve të dënimit për Myrteza Caushin i janë drejtuar Gjykatës me kërkesën për të pasqyruar saktë kohën e vuajtjes së dënimit.
“Ne nuk kërkojmë lirimin e Zani Çaushit, ne kërkojmë llogaritjen e saktë të kohës së vuajtjes së dënimit të Myrteza Çaushi. Ka një handikap në llogaritjen e kohës së dënimit, pasi kemi dy vendime dhe duke pasur parasysh përcaktimin ligjor. Vendimi ka datën kur merr formë të prerë, kohën në të cilën dënohet i pandehuri dhe njëkohësisht një pikë tjetër, e cila thotë që vuajtja e dënimit fillon në këtë datë. Ne kemi bërë llogaritjet tona dhe i jemi drejtuar gjykatës me kërkesë për të pasqyruar saktë kohën e vuajtjes së dënimit. Pas llogaritjes së kohës së saktë të vuajtjes së dënimit, pasi edhe në gjykimin e parë ne jemi tërhequr ka qenë pikërisht mos llogaritja e saktë e kohës së vuajtjes së dënimit, do të vazhdojmë procedurat ligjore duke kërkuar edhe lirimin me kusht.”, u shpreh avokati./Re.Gu/Fjala.al
