Kreu i grupit parlamentar të Partisë Socialiste, Taulant Balla u shpreh i sigurt se kreu i PD, Lulzim Basha do të bojkotojë sërish Kuvendin pas zgjedhjeve të 25 prillit.
Balla tha në emisionin “Real Story” se Basha ka ikur nga parlamenti me dëshirë të plotë.
“Një njëri që ishte zgjedhur si kryetar i një partie dhe kishte bezdi që të merrte fjalën në orën 10 në Kuvend, se zgjohej vonë. E pranoj se 7 herë 7 është lapsus. Lulzim Basha nga parlamenti ka ikur me dëshirë të plotë, dhe nuk është faji im që ai nuk u paraqit. Zgjedhjet e 30 qershorit janë çështje e mbyllur. Lulzim Basha jam i sigurt se do të bojkotojë dhe parlamentin pas 25 prillit. Këtu do jemi. Të gjithë do jemi diku. Dhe arkiva e “Real Story” do jetë. Basha që sot ka filluar të ngrejë alibitë. Dhe këtu një javë më parë njëri nisi të ngatërronte çështjen e gjendjes civile. Një njëri që gjysma e familjes i jeton në Holandë, padyshim qe nuk e di…”, tha Balla.
Pa.Va/Fjala.al
