Ndërsa gjendja e emergjencës besohet të rifillojë sërish në Republikën Çeke banorët në Pragë po rreshtohen për të marrë një ëmbëlsirë në formën e virusit. Në rrugën Celetná, në zemër të rrethit historik të ‘Qytetit të Vjetër’, kafeneja ‘Black Madonna’ është duke shitur një ëmbëlsirë në formën e koronavirusit të ri.
Ëmbëlsira e quajtur ‘virus’ është e mbuluar me çokollatë dhe ka një mbushje me mjedër, e ndërsa madhësia e saj është sa e një topi tenisi.
“Gjeta një foto të virusit në internet,” i tha Reuters Olga Budnik, krijuesja e ëmbëlsirës.
“Kam kuptuar në detaje se si ta bëj ëmbëlsirën – si të bëj thumba, si do të ishte ngjyra dhe i përgatita të gjitha”.
Budnik i tha Reuters se ajo shpiku ëmbëlsirën për të ndihmuar në luftën kundër një rënie të biznesit. Ëmbëlsira e frymëzuar nga koronavirusi ka qenë një sukses i madh./Re.Gu/Fjala.al
