Ambasada gjermane vjen me një reagim zyrtar pas bisedës virtuale që u zhvillua ditën e sotme mes Kancelares Angela Merkel dhe Kryeministrit Edi Rama.
Në një njoftim nëpërmjet faqes zyrtare në ‘Facebook’ është theksuar sërish se çfarë u diskutua në video-konferencën e zhvilluar mes tyre.
Ndër të tjera, në njoftimin e zëdhënësit të Qeverisë Federale Steffen Seibert thuhet se Këshilli Evropian ka vendosur në mars 2020, të hyjë në bisedimet zyrtare të pranimit me Shqipërinë.
Reformat e rëndësishme, të cilat do të përcaktojnë shpejtësinë e bisedimeve, prekin para së gjithash drejtësinë dhe luftën kundër krimit të organizuar dhe korrupsionit.
Mesazhi i ambasadës gjermane:
Zëdhënësi i Qeverisë Federale Steffen Seibert njofton:
Kancelarja Federale Angela Merkel dhe Kryeministri i Shqipërisë Edi Rama zhvilluan sot një bisedë me njëri-tjetrin përmes një videokonference.
Ata biseduan për situatën e pandemisë, marrëdhëniet bilaterale dhe ekonomike si dhe për situatën në rajon dhe përparimin e Shqipërisë në kuadër të procesit të integrimit në BE.
Këshilli Evropian ka vendosur në mars 2020, të hyjë në bisedimet zyrtare të pranimit me Shqipërinë. Reformat e rëndësishme, të cilat do të përcaktojnë shpejtësinë e bisedimeve, prekin para së gjithash drejtësinë dhe luftën kundër krimit të organizuar dhe korrupsionit. /Ra.My.Fjala.al/
