Deputeti Xhemal Qefalia tregon një histori për të vërtetuar nëse përgjigjeshin operatorët e numrit 129 të policisë. Gjatë emisionit HARD TALK NGA ROLAND QAFOKU ia tregoi se ishte në qytetin e Çorovodës kur një qytetar i ishte ankuar se nuk i përgjigjej Policia.
-Dje isha jashtë Tirane me disa miqtë e mi. Po diskutonim me disa të cilët nuk ishin votues të Partisë Socialiste. Dhe po më thoshte: “Policia nuk përgjigjet.” I thashë unë: “Si nuk përgjigjet? Do bëjmë një provë?” Marr telefonin, i bie 129 dhe vetë isha në mëdyshje. Thashë këtu në Skrapar s’do përgjigjet policia. Megjithatë i rashë 129, më thanë “Përshëndetje, policia e rendit në Poliçan” . Të mora,- i thashë,- se ishim me disa miq dhe më thanë që nuk përgjigjet Policia. Nuk e dinte ai që numri im do i merrte. Dua të them që policia është shumë më ndryshe./Fjala.al/Ke.Ba
