Gjatë 8 viteve të qeverisjes së Partisë Demokratike mesatarisht në një vit kalendarik shifra ishte 120 të vrarë. Prej katër vitesh në qeverisjen e Partisë Socialiste ky numër është në 50 të vrarë në vit. Por si e komenton këtë ish-drejtori i Përgjithshëm i Policisë së Shtetit Ahmet Prençi?
-Kur ishit ju drejtori i përgjithshëm i policisë kishte deri në 120 vrasje në vit. Sot kemi vetëm 50 të tilla.
-Mua më intereson të mos ketë asnjë vrasje. Por luhet me shifrat dhe për mua janë jo reale. Kur vriten në një ngjarje tre veta, ndaj autorit ngrihen tre akuza për tre vrasje. Kemi shumë episode vrasjesh ku janë dy dhe tre viktima dhe quhet një.
-Atëherë gënjen policia?
-Nuk i besoj. Po të hapësh faqen e policisë në kohën time statistikat mujore përvëç statistikave operative ishin dhe i kishit në dispozicion. Qëllimi im ka qenë që të ishim transparent me publikun, me mediat, me gjithçka. Sot gjen vetëm fjalimet e ministrit dhe kaq.
-Nëse gënjen ai që publikon shifrat, ai bën vepër penale.
-Nuk e di, t’i verifikojmë./Fjala.al/Ke.Ba
