Ish-drejtori i përgjithshëm i Policisë së Shtetit Ahmet Prençi shpreh mjaft rezerva për punën e policisë aktualisht. Gjatë emisionit HARD TALK NGA ROLAND QAFOKU Prençi tha se raporti shërbim dhe forcë është armë e pushtetit dhe jo në ndihmë të qytetarëve.
-Zoti Prençi, çfarë nuk shkon me policinë sot?
-Unë mund të rradhis disa gjëra që më dhembin dhe që nuk më vjen mirë që ndodhin. Duhet të kuptojmë që policia është një shërbim ndaj qytetarëve dhe jo forcë. Ky raport midis shërbimit dhe forcës është prishur dhe unë e shoh si një armë në duart e pushtetit për të realizuar qëllimet e veta sesa një shërbim ndaj qytetarëve. Është prishur raporti i besueshmërisë. Policia është keqpërdorur. Është larg misionit të saj të vërtetë. Polici po përdoret sot për të prishur shtëpitë e njerëzve. Nuk është punë e policisë kjo./Fjala.al/Ke.Ba
