Drejtori i përgjithshëm i Policisë së Kosovës, Rashit Qalaj është shkarkuar sot nga kryeministri Avdullah Hoti.
Mësohet se shkarkimi i Rashit Qalajt ka ardhur si shkak i performancës së dobët.
“Në përputhje me kompetencat ligjore dhe bazuar në raportin e performancës për drejtorin e Policisë së Kosovës, sot Kryeministri i Republikës së Kosovës z. Avdullah Hoti ka liruar nga detyra z. Rashit Qalaj, nga pozita e Drejtorit të Përgjithshëm të Policisë së Kosovës”, thotë njoftimi i ZKM’së.
Mediat kosovare raportojnë se në vend të tij, është emëruar përkohësisht Samedin Mehmeti.
Kujtojmë se Rashit Qalaj është emëruar drejtor i Përgjithshëm i Policisë së Kosovës në gusht të vitit 2018 nga kryeministri i asaj kohe Ramush Haradinaj.
Në dy shtetet e shqiptarëve, si në Shqipëri dhe Kosovë, pozicioni i kryepolicit shihet si port politik. Ndaj nuk është çudi, që drejtori i ardhshëm që do të vijë nga radhët e policisë të jetë një njeri i besuar i LDK-së.
la.mi/fjala.al
