Kryeministri i vendit, Edi Rama, nëpërmjet një postimi në Facebook ka bërë me dije se janë drejt përfundimit qindra shtëpi në Kavajë, të cilat po rindërtohen pas shembjes nga tërmeti.
Rama përdor një shprehje të urtë popullore për të thënë se puna do të vazhdojë po njësoj, madje dhe më mirë, pavarësisht kundërshtimeve dhe polemikave.
“Qentë dihet, do lehin gjithnjë e më fort, por gjithnjë e më shpejt përpara do të shkojë karvani” shkruan kryeministri.
Kreu i qeverisë thekson se vetëm në Kavajë po ndërtohen 106 shtëpi të cilat u shembën nga tërmeti.
Kujtojmë se qeveria dhe kryeministri janë akuzuar shpesh nga opozita për një “ngërç” në procesin e rindërtimit, si pasojë e të cilit, sipas opozitës, ka ende njerëz që janë jashtë dhe pas strehim./Ra.My.Fjala.al/
