Rastet e reja me Covid-19 në vendin tonë së fundmi janë rritur ndjeshëm.
Burime bëjnë me dije se gjatë ditës së sotme ka rezultuar i prekur nga koronavirusi shefi i komisariatit dhe një punonjës bashkie në Urën Vajgurore.
Në qytetin e Beratit rezultojnë të prekur me Covid një mësues i shkollës “Bab Dudë Karbunara”,një nxënës i shkollës “Ajet Xhindoli”, 3 edukatore të kopshtit “10 Korriku” dhe një dentist.
Po vazhdon gjurmimi i të gjitha kontakteve me personat e infektuar për të parandaluar përhapjen më tej të virusit.
Kujtojmë se ditën e djeshme 289 persona kanë rezultuar pozitivë dhe 4 persona kanë humbur jetën si pasojë e infektimit me Covid.
Numri i personave të prekur me Covid-19 është rritur ndjeshëm, gjë që ka detyruar qeverinë të marrë masa duke bërë mbajtjen e maskave të detyrueshme në çdo ambient, vendim i cili hyri në fuqi në 15 tetor 2020. /Ra.My.Fjala.al/
